நாட்டில் மேற்கொள்ளப்படும் முஸ்லிம்களுக்கு எதிரான நடவடிக்கைகளையும் பிரச்சினைகளையும் தீர்ப்பதற்கு முஸ்லிம்
பாராளுமன்ற உறுப்பினர்கள் அரசுக்கு ஒரு காலக்கெடு வழங்க வேண்டும்.
தவறினால் முஸ்லிம் பாராளுமன்ற உறுப்பினர்கள் அனைவரும் கட்சி பேதமின்றி ஒரு மாத காலத்திற்கு பாராளுமன்றத்தை பகிஷ்கரிக்க தீர்மானிக்க வேண்டும் என பாராளுமன்ற உறுப்பினரும் ஸ்ரீலங்கா முஸ்லிம் காங்கிரசின் செயலாளர் நாயகமுமான எம்.ரி.ஹசன் அலி தெரிவித்தார்.
பொது பலசேனா அமைப்பு அண்மைக்காலமாக மேற்கொண்டு வரும் முஸ்லிம்களின் மீள்
குடியேற்றம் உள்ளிட்ட பிரச்சினைகளுக்கு தீர்வு காணுவது தொடர்பில் கொழும்பு புக்கர்ஸ்
மண்டபத்தில் நடைபெற்ற கலந்துரையாடலில் உரையாற்றுகையிலேயே அவர் மேற்கண்டவாறு கூறினார்.
கடந்த திங்கட்கிழமை ஸ்ரீலங்கா முஸ்லிம் கவுன்ஸில் தலைவர் என்.எம்.அமீன் தலைமையில் நடைபெற்ற இந்நிகழ்வில் அமைச்சர் ரிசாத் பதியுதீன், பாராளுமன்ற உறுப்பினர்கள் பைஸல் காசீம், பாரூக் முத்தலிப்பாவா உட்பட அகில இலங்கை ஜம் இய்யத்துல் உலமாசபை, ஸ்ரீலங்கா முஸ்லிம் கவுன்ஸில், முஸ்லிம் சட்டத்தரணிகள் சங்கம் அகில இலங்கை வை.எம்.எம்.ஏ.பேரவை முஸ்லிம் பெண்கள் ஆராய்ச்சி செயல் முன்னணி, அகில இலங்கை முஸ்லிம் லீக் வாலிப முன்னணி தேசிய சூறா கவுன்ஸில் முஸ்லிம்களின் செயலகம் முஸ்லிம் மீடியா போரம் ஸ்ரீலங்கா ஜமா அத்தே இஸ்லாமி ஐக்கிய முஸ்லிம் உம்மா, மஜ்லிஸுல் சூறா கிரஸன்ட் பவுண்டேஷன் நல்லாட்சிக்கான தேசிய முன்னணி மற்றும் முஸ்லிம் இளைஞர் முன்னணியின் பிரதிநிதிகள் கலந்து கொண்டனர்.
ஹசன் அலி தொடர்ந்தும் உரையாற்றுகையில் முஸ்லிம் எம்.பி. க்களும் முஸ்லிம் இயக்கங்களும் அடிக்கடி கூட்டங்கள் கூடி கலந்துரையாடல்களை மேற்கொண்டு அறிக்கைகள் விடுவதிலும் ஜனாதிபதிக்கு மகஜர் சமர்ப்பிப்பதிலும் எதுவித பிரயோசனமும் இல்லை. வடக்கில் மாத்திரமல்ல கிழக்கிலும் முஸ்லிம்களின் காணிகள் அபகரிக்கப்பட்டுள்ளன. வில்பத்து பகுதியில் முஸ்லிம்கள் மீள்குடியேற்றப்படுவதற்கு எதிரான பிரசாரங்கள், நடவடிக்கைகள் மாத்திரமல்ல ஏராளமான பல்வேறு பிரச்சினைகளுக்கு சமூகம் முகம் கொடுத்துள்ளது.
இந்த பிரச்சினைகளில் அவசரமாக உடனடியாக தீர்கப்பட வேண்டியவற்றை இனம் கண்டு அவற்றைத் தீர்க்க அரசாங்கத்திற்கு காலக்கெடு கொடுக்க வேண்டும். அரசு பிரச்சினைகளை தீர்க்க தவறும் பட்சத்தில் முஸ்லிம் பாராளுமன்ற உறுப்பினர்கள் அனைவரும் ஒன்றிணைந்து பாராளுமன்றத்தை ஒரு மாதத்துக்கு பகிஷ்கரித்து இந்த செய்தியை சர்வதேச மயப்படுத்தப்பட வேண்டும்.
அரசு மிக பலம் பொருந்தியதாக இருக்கின்றது. இந்தப் பலத்தை நாமே கொடுத்து வருகின்றோம். எமக்குள் ஏற்பட வேண்டிய கட்சி பேதமற்ற ஒற்றுமையே சமூகத்துக்கு நன்மை பயக்கும். வடக்கிலும் கிழக்கிலும் இராணுவ கெடுபிடிகள் அதிகரித்துள்ளன.அம்பாறை மாவட்டத்தில் 30 ஆயிரம் ஏக்கர் காணி இராணுவத்தினரால் கையேற்கப்பட்டுள்ளது. கிழக்கில் மொத்தம் 60 ஆயிரம் ஏக்கர் காணி சொந்த மக்களின் கைகளிலிருந்து பறிக்கப்பட்டுள்ளது. மன்னாரில் புல்மோட்டையில் இவ்வாறு நடந்துள்ளது.
நாங்கள் அடிக்கடி கூட்டங்கள் கூடி பேசிக் கொண்டிருப்பதில் பயனில்லை. இந்த கூட்டத்துக்கு 4 பாராளுமன்ற உறுப்பினர்களே சமுகமளித்துள்ளோம். நாம் தாமதியாது செயலில் இறங்கா விட்டால் எம்மீதான அடாவடித்தனங்கள் தொடர்ந்த வண்ணமே இருக்கும். முஸ்லிம் பாராளுமன்ற ஒன்றியம் என்று ஒன்று இருக்கின்றது. இதனால் பயனுள்ள செயற்பாடுகள் நடைபெறுவதில்லை.
முஸ்லிம் பாராளுமன்ற உறுப்பினர்களை உருவாக்கும் பணியையே செய்கின்றது. முஸ்லிம்களின்
பிரச்சினைகள் சர்வதேச மட்டத்துக்குச் சென்று விட்டது. இந்நிலையில் முஸ்லிம்களின் உரிமைகளைப் பாதுகாத்து நல்லாட்சியை உருவாக்க வேண்டியது அரசின் கடமையாகும்.
பொதுபலசேன, வில்பத்து தேசிய வன பிரதேசத்தில் முஸ்லிம்கள் மீள்குடியே ற்றப்பட்டுள்ளதாக முன்வை த்துள்ள குற்ற ச்சாட்டுக்களை மறுத்து அது தொடர்பான தெளிவுகளை மகஜர் ஒன்றின் மூலம் ஜனா திபதியிடம் கையளிப்பதற்கும் நிகழ்வின் போது தீர்மானிக்கப்பட்டது.